Gazetarja Klodiana Lala ka zbuluar detaje nga momenti i ekzekutimit të biznesmenin Ardian Nikulaj në ambientet e lokalit “Coral”, ne pedonalen e Shëngjinit.
E ftuar në studion televizive, Lala deklaroi se Ardian Nikulaj kishte dy gra me të cilat jetonte në të njëjtën shtëpi. Gjtihashtu Lala deklaroi se në momentin e krimit njëra prej bashkëshorteve ishte në vendin e ngjarjes.
“Këtu është dera, kjo është dera nga ku ka hyrë. Ky është vjehrri, babai i bashkëshortes së parë. Ai ka dy bashkëshorte, jeton me të dyja në të njëjtën shtëpi. Ka katër fëmijë me dy gratë, dy djem dhe dy vajza. Njëra nga bashkëshortet punonte në kuzhinën e hotelit dhe ishte në punë në momentin që ndodhi ngjarja”, tha Lala.
- Pista e hetimit
Prokuroria dhe policia kanë një sërë pistash në tryezë për të hetuar dhe njëra prej tyre është ajo e gjakmarrjes, pasi në vitin 2010 vëllai i Ardian Nikulajt është ekzekutuar nga pjesëtarë të fisit Panaj. Gjithçka kishte të bënte me një përplasje të vjetër mes dy fiseve në qarkun e Lezhës, ku pas ekzekutimit të vëllait të biznesmenit, nga fisi Panaj janë vrarë dy persona dhe autorët nuk u gjetën kurrë.
Sakaq, dyshohet se atentatorët e Nikulajt pasi janë larguar nga vendi i ngjarjes me një motorçikletë, më pas kanë lëvizur drejt Tiranës me një automjet tip “Range Rover” me ngjyrë të zezë dhe me targa angleze.
Policia ka ngritur pika kontrolli në hyrje dhe dalje të Lezhës, ndërkohë që është rrethuar edhe zona ku vijojnë kontrollet për kapjen e autorit apo autorëve.
Ndërkohë, mësohet se 50-vjeçari që mbeti i vrarë prej disa kohësh udhëtonte me makinë të blinduar. Nikulaj rezulton i arrestuar më herët për armëmbajtje pa leje dhe kontrabandë e falsifikim.
