Një ngjarje e rëndë është regjistruar në qytetin e Tetovës, në Maqedoninë e Veriut.
Mediat vendase raportojnë se një 14-vjeçare është përdhunuar nga fiqnji i saj, i cili në bashkëpunim me një person tjetër e ka futur me forcë në makinë të miturën.
Prokuroria Themelore në Tetovë ka lëshuar urdhër për kryerjen e hetimeve kundër 19-vjeçarit të dyshuar për ngjarjen që ka ndodhur më 12 prill, në afërsi të tregut pranë objekteve të vjetra të Universitetit Shtetëror.
Gjithashtu bëhet me dije se i riu e ka kërcënuar me jetë vajzën e mitur pasi ka abuzuar me të forëcërisht.
“Ai së bashku me një person tjetër të panjohur e kanë takuar viktimën në një rrugicë teksa ajo ishte duke ecur drejt tregut. I dyshuari, përndryshe fqinj i saj, e ka tërhequr për krahu drejt në veture të parkuar aty pranë.
Personi tjetër e ka hapur veturën, pas së cilës i dyshuari e ka goditur viktimën në fytyrë dhe e ka futur me forcë në sediljen e pasme.
Automjeti drejtohej nga një person i panjohur, i cili i ka mbyllur dyert dhe i ka larguar 200 metra, më pas e ka parkuar veturën dhe ka dalë. I dyshuari dhe viktima kanë mbetur në sediljen e pasme, i cili e ka detyruar vajzën të kryejë akte seksuale duke përdorur forcë. Më pas ka telefonuar personin e panjohur dhe së bashku me makinën e kanë kthyer viktimën nga vendi ku e kanë marrë. I dyshuari e ka kërcënuar se do ta vriste nëse i tregonte dikujt për ngjarjen”, thuhet në njoftimin e Prokurorisë Publike.
