Një 63 vjeçar është plagosur ditën e sotme në Librazhd, pasi i ka shpërthyer bombola e gazit në banesë.
Sipas informacioneve mësohet se ngjarja ka ndodhur në banesën që banonte Safet Qarri.
Ngjarja ka ndodhur në momentin kur 63 vjeçari ka qenë duke gatuar. Ndërkohë për shkak të plagëve të marra Qarri është nisur drejt spitalit të djegieve në Tiranë.
Mësohet se, 63 vjeçari ka shërbyer për disa vitesh në repartin e zjarrikseve Librazhd dhe policinë e shtetit, kishte vite pa punë dhe i përkushtuar aktivitetit privat.
