Vijon faza play off në NBA, me dy ndeshje çerekfinale të luajtura së fundmi. Në Konferencën e Lindjes, skuadra e Philadelphia-s fitoi 96-84 ndaj Brooklyn Nets dhe tashmë udhëheq 2-0 me ndeshje.
Maxey me 33 pikë ishte lider në parket për Philadelphia-n, duke i bërë të pavlefshme 28 pikët e Johnson për Nets. Tashmë do të luhen dy ndeshje radhazi në fushën e Brooklyn. Nëse Philadelphia ia del t’i fitojë të dyja, do të bëhet skuadra e parë gjysmëfinaliste nga Lindja.
Ndërsa në Perëndim, ekipi kampion në fuqi i Golden State është në disavantazh 0-2 me ndeshje ndaj Sacramento Kings, pas humbjes së fundit 114-106. Sabonis dhe Fox me nga 24 pikë secili bënë diferencën për vendasit e Sacramento-s, që i fitoi të dyja ndeshjet në fushën e saj.
Curry realizoi 28 pikë për Warriors, por që mbetën për statistikë. Golden State do të luajë dy ndeshjet e radhës në shtëpi dhe ka shansin të rikuperojë nga dy humbjet e para.
Play off-Çerekfinale Konf.Lindje
Philadelphia – Brooklyn, 96-84 (2-0)
Boston – Atlanta, (1-0)
Cleveland – New York, (0-1)
Milwaukee – Miami, (0-1)
Play off-Çerekfinale Konf.Perëndim
Sacramento – Golden State, 114-106 (2-0)
Memphis – Lakers, (0-1)
Phoenix – Clippers, (0-1)
Denver – Minnesota, (1-0)
