Një sasi lëndë plasëse shpërtheu në orët e para të mëngjesit të sotëm në derën e banesës së një 65-vjeçari në Tiranë.
Mësohet se banesa është në pronësi të Mehmet Dukës, babai i Leonard Dukës, armikut të përbetuar të Ervis Martinajt, emri më i lakuar në botën e krimit.
Hesapet e pambyllura mes këtyre dy të fundit duket se kanë sjellë dhe shpërthimin me tritol, si një mesazh paralajmërues për ‘Klanin Duka’.
Vetë Duka ka deklaruar se nuk ka dijeni kush mund të jenë autorët. Muhamed Duka nuk jetonte në atë banesë që prej 4 vitesh, pra shtëpia ka qenë bosh gjatë shpërthimit.
Po kush është Leonard Duka?
Ai njihet si rivali më i madh i bosit të lojërave të fatit, Ervis Martinaj. Më 14 shkurt të 2023-it, Duka u arrestua nga autoritetet belge në Bruksel pasi iu gjend armë zjarri në banesë dhe një sasi e konsiderueshme parash.
Ai akuzohet se është i përfshirë në vrasjen e Santiago Malkos, i vrarë më 27 gusht 2019, mik i afërt i të zhdukur Ervis Martinaj. Marrja peng dhe dhunimi nga Martinaj i babait të Leonard Dukës ishte pika e kthesës, e cila kërkoi hakmarrje nga klani “Duka”.
Ervis Martinaj, i shumëkërkuari i drejtësisë vijon të jetë i zhdukur prej gushtit të viti 2022 dhe policia ende nuk e ka një përgjigje se çfarë ka ndodhur me të.
