Dan Hutra, i cilësuar ndryshe si “vrasèsi i femrave”, ka folur nga qelia e burgut për aludimet se ka probleme me shëndetin mendor.
Hutra tha se nëse do të ishte psikopat, do kishte vrarë njerëz të pafajshëm në rrugë, e po ashtu policët kur shkuan për ta arrestuar. Ai deklaroi se është i gatshëm për të kryer të gjitha kontrollet mjekësore, për të vërtetuar se është i shëndetshëm mendërisht.
“Bukur. Unë jam i gatshëm që sot të kryej një test psikologjie dhe në rast se unë do isha psikopat atëherë unë do kisha vrarë njerëz rrugës, të pafajshëm, unë do kisha vrarë policinë kur kanë ardhur të më arrestojnë se i kam patur në pëllëmbë të dorës dhe e kam ulur grykën e kallashit dhe kam thënë këta janë të pafajshëm, këta janë duke punuar për shtetin dhe shyqyr që ekziston policia që mbron familjet tona.”– tha ai për emisionin Uniko në tvklan.
