Bayern Munich do të presë në “Allianz Arena” Manchester Cityn për të zhvilluar mes tyre çerekfinalen e kthimit të Champions League. Në përballjen e parë mes tyre bavarezët u shpërfytyruan 3-0 në “Etihad Stadium”, ndërsa mbrëmjen e nesërme do të kërkojnë të bëjnë edhe përmbysjen e madhe.
Për të folur për këtë takim në konferencën për shtyp ishte i pranishëm, Thomas Muller, i cili u shfaq optimist.
“Ne besojmë se kemi ende një shans. Duhet të fillojmë mirë ndoshta të çojmë 1-0 në pushim.Nëse shënojmë shpejt gjithçka bëhet më e thejshtë. Nuk duhet të shkojmë në 3-0 pas 10 minutash, por duhet të shënojmë dhe të vazhdojmë. Nëse shënojmë të dytin në të 80-ën, kemi edhe 15 minuta. Besoj se është e mundur”, tha mes të tjerash sulmuesi i gjermanëve.
