Bayern Munchen është në kërkim të një sulmuesi për sezonin e ardhshëm.
Gjiganti bavarez me shumë mundësi do të ndahet me Sadio Manen gjatë verës që vjen pas problemit që shkaktoi sulmuesi senegalez, i cili e goditi me grusht shokun e skuadrës, Leroy Sane.
“Calciomercatoweb” raporton se trajneri Thomas Tuchel është interesuar për të sjellë në “Allianz Arena” futbollistin në pronësi të Juventusit, Federico Chiesa.
Sulmuesin italian e kanë shoqëruar dëmtimet kohët e fundit, por kualitetet e tij janë të padiskutueshme.
Fillimisht duhet të shihet se cila është oferta e gjigantit bavarez për Chiesën dhe për klubin italian, pasi Juventusi nuk do të hiqte dorë lehtë nga njëri prej lojtarëve kryesorë.
