Bayern do të kërkojë një mënyrë për të hequr qafe Mane në fund të sezonit. Sipas raportimeve në Gjermani, bavarezët pas episodit që pati me Sanen dhe gjithashtu për shkak të paraqitjeve të tij jo më të mira të mundshme, kanë vendosur që të mos kenë nevojë për të për sezonin e ri.
Në fakt, me këtë është dakord edhe Tuchel.
Por problemi është kontrata e Manes. Senegalezi ka nënshkruar një kontratë trevjeçare që do të thotë se do të duhet gjetur mënyra më e mirë për ta realizuar këtë pa i ngarkuar më tej arkat e klubit gjerman.
Mane, i cili duket se e ka kuptuar se gjërat nuk po shkojnë mirë, tashmë ka nisur të kërkojë klubin e radhës.
