Lagështia e lartë në rrugë ka bërë që një çift shqiptarësh të përfshihen në një aksident të rëndë teksa udhëtonin në drejtim të Selanikut.
Mediat helene raportojnë se aksidenti ka ndodhur në zonën e Verias. Shoferi ndërkohë që ka devijuar rrugën është përplasur në parapetin mbrojtës të saj.
Gjatë përplasjes ka mbetur e plagosur rëndë bashkëshortja e tij, e cila është transportuar me urgjencë drejt spitalit të Verias.
Aktualisht policia po heton për zbardhjen e plotë të ngjarjes, ndërsa dyshohet se faktor kryesor për aksidentin është bërë prezenca e ujit në rrugë, si pasojë e reshjeve të shiut në zonë.
