Petrit Vasili, deputeti i PL, ka nxjerë në pah mashtrimin e Erion Veliajt me shkollën “Kosova” në Tiranë që e inauguroi në vitin 2018 dhe tashmë po e shet si të bërë tani.
Vasili shprehet se Veliaj në mandatin e dytë vetëm inceneratorin imagjinar, që vodhi qindra milionë euro ka inauguruar.
“Veliaj s’di ku ka kokën dhe shet për shkolla të reja ato të bëra që ne 2018-ën!
Veliaj, si mashtrues i rëndomtë që është poston dje në Fb, pikërisht më datë 14 prill 2023, rindërtimin e shkollës “Kosova” në Tiranë.
Shkolla “Kosova” është inauguruar po nga ky Veliaj që më 17 shtator 2018, në kohën e mandatit të parë të tij.
Po ky ka të drejtë, që gënjen se në këtë mandatin e dytë vetëm inceneratorin imagjinar, që vodhi qindra milionë euro ka inauguruar dhe asnjë gjë tjeter. Mos harroni, sa herë të shfaqet ky Veliaj, dijeni se vetëm mashtron sepse nuk di asnjë punë tjetër,” shkruan Petrit Vasili.
