Në Kapshticë ka fluks lëvizjesh nga të dyja anët e kufirit, siç ndodh zakonisht në këtë periudhë të vitit kur besimtarët kremtojnë Pashkën.
Nga kjo pikë kalimi kufitar gjatë 24 orëve të fundit kanë hyrë dhe kanë dalë më shumë se 8 mijë shtetas shqiptarë dhe të huaj për në Greqi.
Fluksi më i lartë ka qënë në hyrje të territorit shqiptar me 5612 qytetarë. Por lëvizje të shtuara gjatë orëve tëe fundit ka pasur edhe në drejtim të vendit fqinj me 3257 qytetarë.
Për të përballuar fluksin në rritje të lëvizjeve ndërkufitare, Policia jonë kufitare ka shtuar numrin e sporteleve, duke hapur 3 të tillë në dalje dhe 4 në hyrje.
Ndërkohë, nga pala greke, ashtu si dje po punohet me 4 sportele.
Në tri ditët e fundit kanë hyrë nga Greqia në drejtim të vendit tonë më shumë se 16 mijë shtetas dhe kanë dalë afro 7 mijë.
Nga ana tjetër, në pikën e kalimit kufitar të Qafëthanës që lidh Shqipërinë me Maqedoninë e Veriut kanë hyrë dhe dalë më shumë se 4500 shtetas.
