Vora ka mposhtur Naftëtarin ditën e sotme me rezultatin 2-0 në ndeshjen e vlefshme për javën e 19-të në Grupin A në Kategorinë e Dytë.
Me këtë fitore skuadra e Artan Mërgjyshit në mënyrë matematikore, ka arritur të shpallet kampione e grupit A dhe të rikthehet zyrtarisht në Kategorinë e Parë.
Menjëherë pas ndeshjes të gjithë kanë zbritur në fushë për të festuar këtë triumf.
Ekipi ka arritur të realizojë synimet dhe objektivat teksa ka bërë një sezon të mrekullueshëm. Në kaq javë skuadra ka arritur të grumbullojë 47 pikë teksa ka qëndruar për javë të tëra në vendin e parë.
