Ish ministri i drejtësisë, Ylli Manjani ka reaguar ditën e sotme rreth vizitës së Escobar në Shqipëri.
Me anë të një postimi në Facebook, Manjani shkruan se përfaqësusesi i lartë i shtetit Amerikan nuk është gjë tjetër veçse një rrogëtar në ministrinë e jashtme Amerikane.
Ai thekson se asnjë zyrtar administrate nuk është më lart se ‘Ambasadori fuqiplotëm’ dhe se me mesazhet e tij në takimet politike tregoi se është jo vetëm jopërfaqësues, por edhe torollak.
Sipas Manjanit të kritikosh Yurin dhe të merresh me Eskobarin, e quan humbje kohe dhe ulje niveli.
Kujtojmë se Gabriel Escobar, zëvendës ndihmës sekretari amerikan dhe i dërguari për Ballkanin Perëndimor, vizitoi Shqipërinë në datat 11 deri në 13 prill, ku dhe realizoi takime intesive me krerët e partive politike në vend, ku në fokus kanë qenë zgjedhjet e 14 majit.
Escobar u takua me kryeministrin Rama, kreun e PL-së Meta, me kreun e PD Enkelejd Alibeaj mes të tjerësh. Ajo që tërhoqi vëmendjen e opinionit publik ishte mungesa e një takimi me ish kryeministrin Berisha, ku më vonë Escobar theksoi se Sali Berisha është e shkuara e vendit, dhe se “nuk njoh asnjë person që përmes zgjedhjeve të ketë arritur të ndryshojë përcaktimin e pozicionit të tyre prej Departamentit të Shtetit”.
