Policia Kufitare në Rinas ka arrestuar në flagrancë një grua 57-vjeçare e cila tentoi të kalonte kufirin me pasaportë diplomatike të dyshuar si të falsifikuar.
Gjithashtu policia bën me dije se në kuadër të këtij rasti është shpallur në kërkim edhe një shtetas tjetër i cili dyshohet se mund të ketë ndihmuar për të kaluar kufirin në kundërshtim me ligjin.
“Në dalje të Republikës së Shqipërisë, është arrestuar në flagrancë shtetasja D. I., 57 vjeçe, banuese në Tiranë, pasi tentoi të kalonte kufirin me disa dokumente të dyshuara të falsifikuara (pasaportë diplomatike dhe dokumente pune), të cilat iu sekuestruan në cilësinë e provës materiale. Gjithashtu për këtë rast u shpall në kërkim shtetasi H. P., 57 vjeç, pasi dyshohet se ka ndihmuar shtetasen D. I., për të kaluar kufirin, në kundërshtim me ligjin. Vijon puna për kapjen e këtij shtetasi”, njofton policia.
Materialet procedurale i kaluan Prokurorisë, për veprime të mëtejshme.
