Një i ri në Tiranë ka tentuar vetëvrasjen. Sipas policisë, fillimisht 29-vjeçari me iniciale H.L. ka tentuar të varet me litar, por është ndaluar nga familjarët. Më pas, është hedhur nga çatia e banesës dykatëshe.
I riu ka arritur të mbijetojë dhe ndodhet në spital.
“Rreth orës 16:05, shtetasi H.L., 29 vjeç, në banesën e tij, në Qytet Studenti, dyshohet se ka tentuar të vetvaret me litar por e kanë ndaluar familjarët. Më pas ka hipur në katin e dytë të çatisë dhe është hedhur nga lartësia. Si pasojë është dëmtuar dhe ndodhet në spital, nën kujdesin e mjekëve”, njoftoi policia.
Grupi hetimor po punon për sqarimin e rrethanave të ngjarjes, shtuan të njëjtat burime.
