Policia greke në Selanik ka arrestuar një 27-vjeçare shqiptare, pasi është kapur me 8.5 kilogram lëndë narkotike të llojit heroinë.
Mediat helene raportojnë se shqiptarja është arrestuar në Ampelokipi dhe dyshohet se ishte anëtare e një rrjeti të organizuar droge.
Në momentin e arrestimit asaj i janë gjetur 18 pako me 8 kilogramë e 561 gramë heroinë, sasi kjo që mendohet se ishte e destinuar të përfundonte në tregun e “kryeqytetit” të veriut të Greqisë.
Sipas policisë, roli i shqiptares në grupin e trafikantëve ka qenë ai i marrjes, ruajtjes dhe shpërndarjes së mëtejshme të drogës.
