Kolona zanore që kryeministri Edi Rama zgjodhi të përdorte për zgjedhjet lokale ka tërhequr edhe vëmendjen e kryedemokratit Sali Berisha.
Ky i fundit ka zgjedhë që ta shpërndajë në profilin e tij në Facebook, por në mënyrën se si Berisha e sheh realitetin shqiptar. Audioja ‘vetëm përpara’, sipas Berishës, nuk përfaqëson zhvillimin e vendit, por ikjen e shqiptarëve drejt Mbretërisë së Bashkuar. Pra, përpara, por me gomone dhe drejt Anglisë.
“Himni i Edi Ramës!”– shkruan Berisha krah postimit.
Kujtojmë se vetëm gjatë qeverisjes së Edi Ramës, nga vendi janë larguar afërsisht 750 mijë shqiptarë drejt vendeve më të zhvilluara të Europës.
