Një aksident i frikshëm ka ndodhur mëngjesin e sotëm në rrugën kombëtare Përrenjas-Librazhd.
Mësohet se rreth orës 06:45 një automjet i tonazhit të rëndë gjatë ecjes është anuar fillimisht në të majtë të drejtimit të lëvizjes dhe si rezultat i shpejtësisë është përmbysur në të gjithë gjerësinë e rrugës në vendin e quajtur “Ura e Xhyrës”.
Dëshmitarët në vendngjarje kanë përjetuar momente tmerri pasi vendi ku ndodheshin shërben edhe si “stacion” për pasagjerë në këtë aks rrugor.
Fatmirësisht nuk ka pasur të dëmtuar pasi automjeti ndërsa po shkonte drejt tyre është devijuar pak majtas dhe përmbysur para syve të tyre në rrugë duke bllokuar qarkullimin e mjeteve.
Policia ka mbërritur në vendngjarje dhe po hetohen shkaqet e aksidentit.
