Ka folur për herë të parë Erjon Sinani bashkëshorti i Migena Sinanit, e cila mëngjesin e së shtunës u vra në mënyrë barbare nga kunati i saj.
Gjatë një prononcimi për mikrofonin e “Abc News”, bashkëshorti i Migena Sinanit, rrëfen se ditën e tragjedisë nuk ndodhej në shtëpi. Ai thotë se punon taksist për të siguruar një jetesë më të mirë, për fëmijët e tij.
Lidhur me marrëdhënien mes gruas së tij të ndjerë dhe të vëllai, Sinani thotë se nuk kishin konflikte, ndërsa të dy punon fort, për të siguruar të ardhura për një jetesë më të mirë. Apeli i vetëm që ka, është ndihma për të rritur dy fëmijët e mitur jetimë.
“Kam 5 vite i martuar kemi dy fëmijë, djalin 4 vjeç dhe goca afër dy vjeç si ka mbushur akoma. Nuk ndodhesha në shtëpi, isha në punë dhe më erdhi një mesazh nga prindërit, i kishin rënë telefonit por nuk punonin linjat, kur mora mesazhin i mora në telefon dhe më thanë se hataja e madhe kishte ndodhur, janë vra dy vetë në shtëpinë tonë, ç/të shihja, policia gjak, vëllain të shtrirë në tonë. Gjendja e tij ka qenë normale , ka qenë dikur në depresion por kohët e fundit ka qenë mirë”, ka thënë ai. Pjesë nga intervista:
Pyetje: Ju punoni taksist, gjithmonë natën?
Erjon Sinani: “Po natën, punoja natën për fëmijët, po mundoheshim me mbledh pak lekë më i siguru jetesë shtëpia është e amortizuar komplet, ka shumë lagështirë.”
Pyetje: Mendoni se kushtet e vështira e ka cuar në këtë akt vëllain tuaj?
Erjon Sinani: “Nuk di ca të them”
Pyetje: A punonte ai?
Erjon Sinani: Po, shumë punonte, për të siguruara lekë për të blerë një shtëpi.
Pyetje: Keni një apel? Për shkak të asaj c’ka ndodhi, një ndihmë për fëmijët tuaj?
Erjon Sinani: Një shtëpi të jetoj normal, që fëmijët mos më sëmuren.
Pyetje: Migena ka pas konflikte?
Erjon Sinani: Jo nuk ka patur probleme. Nuk e di si ndodhi.
Pyetje: Po fëmijët?
Erjon Sinani: Fëmijët ndodhen te njerëzit e nuses. I mbajnë ata. Janë të vegjël s’e kuptojnë këtë gjë. Lodra duan shëtitje. Ata më kanë dhënë mbështetje të plotë. Ata kanë mbetur tani.
