Një pallat katërkatëshe u shemb pak pas mesnate në një lagje qendrore të Marsejës në Francë.
Shembja e pallatit në rrugën 17 Tivol ka ndodhur në orën 00:40, duke dëmtuar dhe disa pallate të tjera ngjitur.
Prefekti i qarkut Christophe Mirmand tha “ka dyshime të forta se një shpërthim shkaktoi shembjen, por ne duhet të jemi shumë të kujdesshëm për shkakun në këtë fazë”. Ai shtoi se gazi mund të jetë një opsion i mundshëm.
100 ekipe shpëtimi po punojnë në vendngjarje, me prioritet shuarjen e zjarrit dhe pastrimin e mbeturinave, për të lokalizuar personat e bllokuar nën rrënoja. Problem ka edhe një godinë ngjitur, e cila sipas ekipeve të shpëtimit rrezikon të shembet gjithashtu.
Deri më tani 5 persona janë nxjerrë nga rrënojat, ku dy janë në gjendje të rëndë. Kryebashkiaku i Marsejës Benoît Payan tha se operacioni i shpëtimit po ndërlikohej nga një zjarr në rrënoja, i cili po pengonte ekuipazhet dhe qentë të dërgoheshin për të kërkuar viktima të mundshme.
“Duhet të jemi të përgatitur që të ketë viktima në këtë tragjedi të tmerrshme,” shtoi ai.
Prokurorët dhe oficerët e policisë gjyqësore ndodhen në vendngjarje, të cilët tashmë kanë nisur hetimet për ngjarjen.
