Atletico e Madridit vijon ecurinë e rezultateve pozitive. “Los Colchoneros” arritën fitoren e pestë radhazi në LaLiga përballë Rayo Vallecanos me rezultatin 1-2.
Të besuarit e Diego Simeones dominuan të gjithë takimin, dhe realizua dy herë brenda pjesës së parë. Molina i dha avantazhin miqve në minutën e 22-të, duke shfrytëzuar në maksimum kundërsulmin.
Ndërsa pas vetëm dy minutash Mario Hermoso realizoi edhe golin e qetësisë. Mbrojtësi shënoi me kokë pas harkimit të saktë të Carrascos nga godijta e këndit.
Kështu u mbyll pjesa e parë, ndërsa në fraksionin e dytë, të besuarit e Diego Simeones administruan avantazhin, pavarësisht se Rayo Vallecano rihapi ndeshjen pesë minuta përpara përfundimit të kohës së rregullt.
Fillimisht në të 62-tën Florian Lejeune u ndëshkua me karton të kuqë, duke lënë skuadrën me 10 lojtarë për më shumë se 30 minuta. Megjithatë Rayo Vallecano ia doli mbanë të realizonte edhe pse në inferioritet numerik.
Nga minuta e parë për skuadrën e trajnerit Iraola luajti edhe futbollisti i kombëtares shqiptare Ivan Balliu.
Pas këtij triumfi Atletico Madrid forcon pozitat në vendin e tretë dhe kërcon rivalët e qytetit. Tani të besuarit e Diego Simeones ndodhen vetëm dy pikë larg Realit të Madridit, ndërsa Rayo Vallecano mbetet në vendin e nëntë me 37 pikë.
