Ngërçi i golave ka marrë fund për Anis Mehmetin. Sulmuesi shqiptar shënoi dje golin e tij të parë në Championship, kampionat në të cilin luan që nga muaji janar.
22-vjeçari hyri dje nga stoli dhe në minutën e 85 tundi rrjetën, për t’i dhënë Bristol City-t fitoren 1-2.
Ishte një kundërsulm i këtyre të fundit që solli golin e fitores. Mehmeti u pozicionua në vendin e duhur dhe në kohën e duhur në zonën e Stoke City-t, nga e shtyu topin në rrjetë dhe nisi të festonte me shokët e ekipit.
