Kapiteni i Ajax-it, Dusan Tadic në sfidën e mbrëmshme për Eredivise, provokoi në mënyrë të shëmtuar mesfushorin turk të Feyenoord-it, Orkun Kokcu për faktin se ishte me agjërim në kuadër të muajit të Ramazanit.
Lojtarët myslimanë të Feyenoord – kapiteni i skuadrës Kokcu dhe Oussama Idrissi nga Maroku iu afruan pankinës për të ngrënë ushqim pas argjërimit, gati 30 minuta pas fillimit të sfidës.
Ndërkohë, lojtarët e tjerë të Feyenoord pinë ujë pasi ndeshja u ndërpre.
Në pjesën e dytë, Tadiç rrëzoi Kokçun pas një goditjeje dhe i shkeli këmbën lojtarit turk, për t’u përplasur më pas fizikisht me të.
Pas përplasjes mes të dyve, Tadiç bëri një gjest me dorë për të tallur agjërimin e Kokcu-t, i cili çeli iftarin në mes të lojës, ndërsa sfida po shoqërohej me momente të tensionuara.
🎥 Sırp futbolcu Dusan Tadic, orucunu sahada açan milli futbolcumuz Orkun Kökçü’ye aşağılayıcı harekette bulundu.
⚽️ Feyenoord ile Ajax arasında oynanan Hollanda Kupası yarı final maçında, takım arkadaşı Oussama Idrissi ile birlikte saha kenarında orucunu açan milli futbolcumuz… pic.twitter.com/0D65PBHGLE
— AA SPOR (@aa_spor) April 6, 2023
Ajax vizitoi Feyenoord për të mposhtur kundërshtarët e tyre 2-1 në gjysmëfinalen e Kupës së Holandës, në stadiumin “De Kuip” të Roterdamit dhe Tadic ishte ndër golashënuesit në lojë.
‘De Klassieker’ është një nga rivalitetet më të mëdha të futbollit në Holandë midis Ajax Amsterdamit dhe Feyenoord të Roterdamit.
Në një ndeshje të mëparshme Ajax kundër Feyenoord në mars, Kokcu refuzoi të shtrëngonte duart me Tadiç, duke injoruar lojtarin serb përpara fillimit të sfidës në Amsterdam.
Ndërkohë, Tadiç ishte ndër të vetmit futbollistë të cilët nuk shprehën ngushëllimet për viktimat e tërmetit tragjik të ndodhur në Turqi ku humbën jetën më shumë se 55 mijë persona.
