Shqipëria do të jetë edhe sot e përfshirë nga masat ajrore të paqëndrueshme, të cilat do të sjellin në të gjithë vendin tonë vranësira gjatë gjithë ditës.
Ndërkohë në ultësirën perëndimore parashikohen të ketë edhe reshje të lehta shiu.
Nga ana tjetër, në zonat malore, pritet të ketë reshje dëbore në zonat Verilindore dhe Juglindore. Temperaturat e ajrit do të rriten në mëngjes, por mbeten konstante në mesditë duke u luhatur nga -1°C deri në 13°C.
Era do të fryjë mesatare në det me shpejtësi 35 km/h nga drejtimi Veriperëndimor duke sjellë në brigjet detare dallgëzim 2 ballë.
