Policia në Lezhë ka arrestuar një 35-vjeçar, i cili qarkullonte me pistoletë në makinë.
Mësohet se në pranga për armëmbajtje pa leje ka rënë Stiljan Leka, të cilin uniformat blu e ndaluan teksa lëvizte në aksin rrugor Lezhë-Milot.
“Është arrestuar në flagrancë shtetasi S. L., 35 vjeç, banues në Lezhë, për veprën penale “Mbajtja pa leje dhe prodhimi i armëve, i armëve shpërthyese dhe municioneve”.
Ky shtetas është ndaluar nga shërbimet e Policisë, në aksin rrugor Lezhë-Milot, ndërkohë që drejtonte automjetin tip “Audi”. Gjatë kontrollit, në xhepin e derës së automjetit, në anën e shoferit, shërbimet e Policisë kanë gjetur një armë zjarri pistoletë “Glock”, e cila u sekuestrua në cilësinë e provës materiale”, njofton policia.
Materialet procedurale iu referuan Prokurorisë pranë Gjykatës së Shkallës së Parë Lezhë, për veprime të mëtejshme.
