Gërdeci/ Pranohet gjykimi i shkurtuar për ish-ministrin Fatmir Mediu |

Lexo edhe:

Gjyqi i Gërdecit/ Mediu: Partia ka vendosur që unë të jem viktima e radhës

Riekspertim për dëmin financiar të demontimit, GJKKO rrëzon kërkesën e Fatmir Mediut

Gjykata e Posaçme në Tiranë ka vendosur ditën e sotme të pranojë gjykimin e shkurtuar për ish-ministrin Fatmir Mediu në lidhje me dosjen e Gërdecit.

Seanca e parë e themeli do të mbahet në 24 prill ora 8:30.

Nga jashtë ambienteve të Gjykatës së Posaçme në Tiranë ka folur edhe avokati i familjarëve të viktimave të tragjedisë së Gërdecit i cili tha se u mor vesh jo zyrtarisht se gjykata nuk e legjitimoi prezencën e familjarëve të viktimave, por ai insistoi se pjesëmarrja e tyre do jetë dhe nuk ka si të ndodhë ndryshe.

‘Unë nuk e konsideroj të vlefshme këtë si procedurë. Familjarët e viktimave duhet të ishin aty. Do jemi prezent edhe në seancën tjetër. Do të paraqesim kërkesat tonë. Gjykimi i shkurtuar patjetër që do të pranojë kërkesën e të pandehurit. Ky proces do të jetë me pjesëmarrjen e familjarëve. Është investuar edhe Gjykata e Evropiane për të drejtat e Njeriut.’- tha avokati Demalia.

Sakaq, edhe vetë Zamira Durda, familjarja e një prej viktimave tha se do ketë ankimim nga ana e saj për këtë vendim në KLP dhe KLGJ, ndërsa shtoi se “SPAK duhet të shkarkohet”.