Nënkryetari i Partisë së Lirisë, Petrit Vasili shkruan në FB se është krim që shqiptarët e varfër do të paguajnë 110 milion euro për korrupsionin e Edi Ramës, duke iu referuar vendimit të Arbitrazhit për çështjen Beketi kundër shtetit shqiptar.
Ai shton se cila është përgjegjësia personale e Edi Ramës si kryeministër për çështjen ku veprimet e tij individuale kane qene shkak për humbjen e 110 milion euro.
“Çfarë krimi, shqiptarët e varfër do paguajnë 110 milion euro për korrupsionin e Edi Ramës! Shqiptaret denohen ti paguajne bisnesmenit italian Becchettit 110 milion euro, pas vendimit perfundimtar te pak diteve me pare te Arbitrazhit, lidhur me mbylljen dhe sekuestrimin e Agon Chanel nga Edi Rama dhe qeveria. Dhjete pyetje publike te shqiptareve, ku pergjigja e te cilave do te jepet patjeter: Kush do ta paguajë këtë shumë marramendëse prej 110 milione euro, pra kush do ta paguajë, ne shqiptaret?
Cila është përgjegjësia personale e Edi Ramës si kryeministër për çështjen ku veprimet e tij individuale kane qene shkak per humbjen e 110 milion euro? Perse Edi Rama ka genjyer ne vazhdimesi duke thene se nuk do te paguajme asnje lek? Cilat janë veprimet antiligjore të qeverisë të cilat çuan në këtë vendim shumë të rëndë? Cila është përgjegjësia e ekzekutivit ne menyre individuale, që ka çuar ne kete situate te demit shume te rende ekonomik? Cilat janë përgjegjësite e SPAK në këtë proces për mos veprimet dhe heshtjen e tij? Çfarë procesesh arbitrazhi të tjera janë duke zhvilluar kundër qeverisë dhe sa shkon vlera e tyre? Pra çfarë tërmeti tjetër i pret publikun shqiptar dhe financat shqiptare”, shkruan Vasili.
