Pak ditë më parë moderatorja Kiara Tito u eliminua nga shtëpia më e famshme në Shqipëri, por së fundmi rihyri përsëri me zgjedhjen e publikut.
Me rihyrjen e saj në “BBV”, Kiara është komentuar për ndryshimin në sjellje dhe madje disa banorë janë shprehur që ajo ka ardhur si një “tjetër njeri”.
Megjithatë këto veprime të moderatores duket se nuk janë pritur fare mirë nga fansat e saj, shumë prej të cilëve e kanë “ndëshkuar” duke i bërë “unfollow” në rrjetin social Instagram.
Ajo kishte plot 676 mijë ndjekës në llogarinë e saj zyrtare në Instagram para spektaklit, ndërkohë që vetëm brenda natës numri ra në 658 mijë.
Më shumë se 18 mijë ndjekës kanë hequr dorë nga Kiara në Instagram, pasi kanë parë veprimet e kësaj të fundit. Rikujtojmë, se Fotinia mbrëmjen e djeshme doli si më pak e votuara duke lënë kështu menjëherë shtëpinë e “Big Brother Vip”.
