Banorët e Golimbasit dhe Sevasterit në Vlorë kanë dalë ditën e sotme në protestë, ku i kërkojnë bashkisë së Selenicës të mbyllë gropën ku prej disa ditësh hedh plehrat.
Ata tregojnë se hedhja e mbeturinave dhe djegia e tyre jo vetëm ndotin fshatin, por edhe lumin e Vjosës që është shpallur zonë e mbrojtur e dëmton edhe të mbjellat. Banorët tregojnë se nëse bashkia nuk merr masa nuk do të lejojnë makinat të futen në fshat.
Bashkia e Selenicës ka disa njësi administrative e në mungesë të vendosjes në funksion të landfillit të Sherishtës, i cili sipas afatit të punimeve duke të ishte funksional, në një fshat të caktuar brenda çdo njësie ka vendosur të grumbullojë mbeturinat, t’i groposë më pas ose t’i vërë flakën.
Fshati i zgjedhur është ai me më pak banorë dhe hapësirë të lirë territoriale.
