Labëria dhe Devolli kanë ndarë nga një pikë mes tensionit në ndeshjen e djeshme, duke përsëritur deri diku skenat e fazës së parë në Bilisht.
Pas pjesës së parë ku Teikseira kaloi në avantazh miqtë dhe më pas Dhrami barazoi, në 45 minutat e dyta pati sherr masiv.
Në minutën e 57-të, pas një ndërhyrjeje të gabuar ka konfrontim fizik mes disa lojtarët. Pere godet Miranin e ndëshkohet me të kuq dhe loja ndërpritet për 20 minuta. Më pas ndeshja rifillon dhe Labëria do të shënonte golin e dytë me Llojajn.
Ahmataj i vendësve merr të kuq për ofendim, ndërsa në minutat shtesë Devolli barazon me Hernandez. Ditën e sotme ka reaguar edhe klubi i Devollit nëpërmjet faqes zyrtare, teksa pretendon se u rrezikua jeta e futbollistëve.
