Një atentat me eksploziv është regjistruar mesditën e sotme në Shkozet të Durrësit, ku objektiv ka qenë Aldi Mustafa, 37-vjeç, një person me precedent të theksuar kriminal, pjesë e grupit të ‘Rrumit të Shijakut’.
Pas shpërthimit me tritol, ekspertët xhenierë kanë nisur hetimin e vendit të ngjarjes dhe po mbledhin kampionë për të përcaktuar llojin e lëndës plasëse si dhe mekanizmin e shpërthimit që u përdor sot.
Ndërkohë nga këqyrja paraprake dyshohet se ka qenë një sasi e vogël tritoli e shpërthyer me detonator me celular. Sidoqoftë raporti i ekspertëve do ta saktësojë më mirë mekanizmin e shpërthimit dhe llojin e lëndës plasëse. Sipas policisë, fatmirësisht shpërthimi nuk ka arritur të cënojë serbatorin e makinës sepse pasojat do të kishin qënë fatale.
