Zëvendës Ndihmës Sekretari amerikan i Shtetit, Gabriel Escobar do të vizitojë Tiranën në prag të fillimit të fushatës për zgjedhjet lokale të 14 majit.
Zyrtari i Departamentit të Shtetit, njëherësh i dërguar i posaçëm për Ballkanin Perëndimor do të mbërrijë në Tiranë në datën 11 prill e do të qëndrojë deri në 13 prill.
Gjatë qëndrimit në Shqipëri, Escobar do të takojë presidentin e republikës Bajram Begaj, kryeministrin Edi Rama, Enkelejd Alibeajn, Gazment Bardhin e Jorida Tabakun.
