Moti i keq me reshje shiu dhe erë me intensitet të lartë ka shkaktuar shkëputje të nulit përcjellës të enegjisë elektrike, duke sjellë dëme të shumta për abonentët familjar dhe bizneset në lagjen “Gurra” të qytetit të Lezhës.
Banorët e kësaj zone në një prononcim për mediat tregojnë se tensioni i energjisë arriti deri në 400 volt, duke djegur shumë pajisje elektroshtëpiake në banesat dhe bizneset e tyre.
“Dëm ka bërë sa të duash. Të paktën deri tani 1 milion e gjysëm lekë të vjetra dëm, pastaj edhe në të gjithë lagjen. Fakti i parë ka ndodh që dje, në korent i kam pat të gjithë pajisjet. Thonë është djeg nuli. Unë kam një fakt që sot në mëngjes, e kam mat me voltmetër me aparat matës tensionin nul fazë, e kam foton në telefon tensioni 396 volt”, thotë një banor.
