Kryebashkiaku i Kuçovës, Kreshnik Hajdari, gjithashtu edhe kandidat i socialistësve për një tjetër mandat, ka përfunduar në prokurori pak para nisjes së fushatës për zgjedhjet e 14 majit.
Banorët e fshatit Sinec dhe Lumas e kanë akuzuar se nuk ka deklaruar një dënim në vitin 1999 në Greqi, duke mos bërë të dhënat e plota në formularin e dekriminalizimit. Pas padive për tendera korruptive më ujësjellësin, ata kanë paraqitur dosje për falsifikim të dokumenteve.
Hajdari do të përballet tashmë me verifikimin e figurës dhe dokumentet e dekriminalizimit.
“Na ka rezultuar se shtetasi Kreshnik Hajdari është zgjedhur kryetar bashkie dhe në datë 11.05.2019 ka bërë dhe formularin e vetëdeklarimit. E provojmë këtë që ky formular është i falsifikuar dhe provë konkrete është vendimi i Gjykatës së Janinës”, thanë ata.
Në reagimin e parë në facebook, Hajdari pranon se në vitin 1999 e kanë kthyer në fuqi, por shton se nuk ka pasur dijeni për masën. Por para SPAK-ut, banorët e fshatrave kërkuan vëmendje edhe për ruajtjen e zonave të mbrojtura.
“Gjoja në emër të dhënies dhe sigurimit të ujit të pijshëm ku ata kanë rrëmbehet dhe grabitet zona e mbrojtur”, u shpreh ambientalisti Sazan Guri.
Drejtoria e dekriminalizimit dhe KQZ do të vendosin nëse kjo masë bëhet shkak për ndalimin e kandidimit për zgjedhjet e 14 majit.
