Televizioni grek “Mega” ka publikuar pamje të kamerave të sigurisë që dokumentojnë vrasjen e hidraulikut shqiptar nga Delvina, Pëllumb Islami, në një shisha-bar në lagjen “Nea Joni” të Athinës.
Media greke raporton se shtatë anëtarë të grupit “L” kanë mbërritur në kafenenë në “Nea Joni” dhe kanë hyrë në një dhomë VIP ku janë takuar me pronarin e lokalit.
Djali i këtij të fundit ishte plagosur një ditë më pare gjatë një grabitje në këtë lagje. Familjarët kishin bërë një hetim për mënyrën sesi u sulmua adoleshenti dhe kishin thirrur një grup shqiptarësh për të hetuar se çfarë kishte ndodhur në ngjarjen e natës së kaluar.
Më pas në lokal hyri një tjetër shqiptar, i cili raportohet të jetë vëllai i një anëtari të një bande rivale me grupin “L” dhe fjalët e tij drejtuar atyre me nervozizëm ishin ekzaktësisht këto: “Çfarë po bëhet këtu, çfarë po ndodh?”.
Ky person ishte ulur me hidraulikun Pëllumb Islami, i cili mbeti i vrarë, por nuk ishte i përfshirë në këtë rast, vetëm se vëllai i tij ka pasur hesape të hapura me grupin “L”. Në këtë moment në lokal pati një përleshje, u nxorën armët dhe si pasojë u qëllua 37-vjeçari.
Në kafene mbizotëroi më pas rrëmuja. Disa shihen teksa ngrihen dhe vrapojnë për në dalje, me një person që hedh një karrige. Të tjerët fshihen nën tavolina. Disa zgjasin trupin e tyre mbrapa për t’u mbuluar pas të tjerëve. Në sfond njerëzit vrapojnë në panik, me një nga dëshmitarët okularë duke u kthyer dhe duke u larguar i qetë.
Një burrë gjakoset për vdekje para tij dhe ai nuk ia doli të fitojë betejën për jetën. Ky është pikërisht Pëllumb Islami.
Gjithçka ka ndodhur 56 minuta pas mesnatës së të mërkurës së 22 shkurtit.
Viktima është ulur në një nga tavolinat pas murit që nuk është kapur nga kamerat e sigurisë, ndërsa brenda, anëtarët e bandës shqiptare po diskutojnë teksa lokali është i mbushur plot me klientë.
Me një kapele, një çantë rreth belit dhe një person që e mbante, autori hyn në kafene dhe futet brenda. Njerëzit që qëndrojnë pas e mbulojnë, por kamera e sigurisë kap momentin e shkëmbimit të të shtënave.
Një tjetër kuadër tregon blicin nga të shtënat që i morën jetën hidraulikut 37-vjeçar.
Hidrauliku i vdekur po pinte pijen e tij dhe po shihte televizor kur papritmas armët u përdorën disa metra larg tij.
Nuk pati as më të voglin mundësi për të reaguar. Dyfish i pafat, me plumbin që i shpoi supin dhe i mori jetën.
