Kreu i Partisë së Lirisë, Ilir Meta thotë se në këtë fushatë elektorale, para zgjedhjeve të 14 Majit, fokusi i programit të PL është për t’u ofruar qytetarëve zgjidhje konkrete lidhur me problemet ekonomike si dhe plan kundër shpopullit të vendit.
Meta shton se PL nuk ka zgjedhur propagandën, por aksionet dhe zgjidhjet konkrete.
“Ne jemi në këtë fushatë jo thjesht për të denoncuar, por për të ofruar zgjidhje konkrete për shqiptarët.
Partia e Lirisë gjithmonë është dalluar për zgjidhjet ekonomike që ofron, që mbron interesat e qytetarëve në radhë të parë, por edhe interesat e sipërmarrësve të ndershëm.
Ne nuk kemi zgjedhur propagandën, por aksionet dhe zgjidhjet konkrete.
Fokusi ynë ka qenë dhe mbetet lufta kundër shpopullimit dhe ne do të bëjmë gjithçka që të rinjtë tanë ta ndërtojnë të ardhmen e tyre në Shqipëri”, shkruan kreu i PL.
