Kryeparlamentarja Lindita Nikolla ka reaguar pas sulmit me armë ndaj ambienteve të Top Channel, ku mbeti i vrarë roja 60-vjeçar.
Në një postim në rrjete sociale, kryeparlamentarja dënon sulmin e ndodhur ndaj televizionit dhe i shpreh ngushëllime familjes së viktimës.
Nikolla i bën apel organeve ligjzbatuese që të zbardhet sa më shpejt ngjarja kriminale.
“Sulmi me armë ndaj TV kombëtar “Top Channel” dhe vrasja e një prej personelit të sigurisë është një ngjarje e rëndë që kërkon veprim të menjëhershëm e profesional nga agjencitë ligjzbatuese.
Solidaritet për TV “Top Channel” dhe ngushëllime familjes Kola. Të zbardhet sa më shpejt kjo ngjarje kriminale!”, thotë Nikolla.
