Aktori dhe regjisori italian Ivano Marescotti ka ndërruar jetë në moshën 77-vjeçare.
Ai ishte shtruar prej disa ditësh në një spital privat në Ravenna për shkak të përkeqësimit të gjendjes së tij shëndetësore.
Mësohet se regjisori vuante nga një sëmundje e rëndë. Një vit më parë ai njoftoi vendimin e tij për t’u tërhequr nga skena, për t’iu përkushtuar ekskluzivisht ‘Teatro Accademia Marescottì’ që kishte themeluar vetë.
Karriera e tij 40-vjeçare është shumë e pasur. Ai ka punuar në teatër me emratë njohur si Leo de Berardinis, Mario Martone, Carlo Cecchi, Giampiero Solari, Giorgio Albertazzi, Marco Marinelli, por ka marrë pjesë edhe në mbi pesëdhjetë filma, duke punuar me regjisorët Anthony Minghella, Ridley Scott, Marco Risi dhe Pupi Avati.
Ivano Marescotti u martua një vit më parë me bashkëshorten Erika në një ceremoni private.
