Elseid Hysaj ka folur rreth duelit ndaj Polonisë.
Kombëtarja shqiptare është e karikuar në maksimum për t’i nisur me një rezultat pozitiv eliminatoret e Euro 2024.
Në një lidhje direkte nga Varshava për SuperSport, Hysaj ka deklaruar:
Sylvinho? Normal që trajneri do të japë një frymë të re dhe diçka më tepër. Jemi të gjithë me energjinë e duhur. Do të jemi gati për nesër.
Skema 4-3-3? Po, më favorizon skema e re. Ka qenë më e vështira të luaja me ‘3-5-2’. Luaj prej vitesh si mbrojtës krahu në skemën me katër mbrojtës. Do të më favorizojë skema e re.
Frymëzim më shumë fillimi me një trajner të ri. Harrojmë ndeshjet e këqija. Po kërkojmë të bëjmë sa më shumë, që të arrijmë sa më shumë drejt Europianit tjetër.
Më shumë i druhem Lewandowskit apo Zielinskit? Të gjithë janë lojtarë të fortë. Këta janë ndër dy lojtarët që duhet të kemi më shumë kujdes”, u shpreh shkodrani i Lazios.
Poloni-Shqipëri do të nisë prej orës 20:45 të së hënës. Ndeshja e kombëtares kuqezi do të transmetohet në SuperSport 2.
