Grupi i Alibeajt në mesnatën e së dielës ka shpallur 4 kandidatë të tjerë për zgjedhjet lokale të 14 majit.
Në mbledhjen e sotme të Kryesisë së Enkelejd Alibeajt, përveç Roland Bejkos në Tiranë, është vendosur konfirmimi për zgjedhjet vendore të kandidati të Lezhës, Sandër Marku; të Pranvera Rizait në Patos; në Korçë PD ka konfirmuar kandidatin Gjergji Gjata ndërsa në Fier do të garohet me Eriselda Zotaj Çelaj.
Roland Bejko do të jetë kandidati i PD se Enkelejd Alibeajt për kryetar në bashkinë e Tiranës. Bejko u zgjodh në mbledhjen e kryesisë, ku përballë kishte Jonila Godolen, por ndaj tij kishte shumicë votash. Roland Bejko, garoi për deputet në zgjedhjet e 25 prillit 2021 në qarkun e Gjirokastrës, e nuk mundi që të siguronte as mandatin e tij për në Kuvend.
Ditën e nesërme, është afati i fundit për regjistrimin në Komisionin Qendror të Zgjedhjeve të kandidatëve për kryebashkiakë dhe këshilltarë.
