Një aksident ka ndodhur mëngjesin e sotëm në aksin Mamurras – Laç, ku ka humbur jetën një person dhe është plagosur një tjetër.
Ngjarja ka ndodhur pranë fshatit Gjorem, ndërsa janë identifikuar viktima dhe i plagosuri
Mësohet se, shtetasi Alban Miloti ka ndërruar jetë dhe Elvis Doçi ka mbetur i plagosur.
Ky i fundit është dërguar drejt Tiranës për ndihmë më të specializuar.
Policia ndodhet në vendin e ngjarjes dhe po punon për të zbardhur shkaqet e aksidentit.
Njoftimi i policisë:
Kurbin / Informacion paraprak
Rreth orës 05:50, në aksin e vjetër rrugor Laç-Mamurras, ka dalë nga rruga mjeti tip “Volksëagen” me targë AA642IK.
Si pasojë, shtetasi A. M. ka ndërruar jetë ndërsa shtetasi E. D. ndodhet aktualisht në Spitalin e Traumes Tiranë nën kujdesin mjekësor.
Grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.
