Kandidati i Partisë Demokratike për bashkinë Durrës, Igli Cara ka zhvilluar një takim me banorët e lagjes numër 15 ku është njohur me problemet që po has kjo lagje.
Kolektori është nën nivel si rrjedhojë e mosrespektimit të kritereve dhe fazave të zbatimit të projektit.
Cara shprehet se investimet e bëra janë jofunksionale dhe në dëm të banorëve
Cara deklaron se Bashkia Durrës është për fasada pasi nuk ka punuar aspak për durrsakët dhe nuk ka mbajtur as premtimet e dhëna prej 20 vitesh.
Postimi i Carës:
– E kemi pritur prej vitesh këtë investim, por jo të na mbysin!
Indinjata e banorëve të lagjes numër 15 dëshmon se Bashkia e Durrësit nuk punon për qytetarët.
Kolektori nën nivel, mosrespektimi i kritereve dhe fazave të zbatimit të projektit e bëjnë këtë investim, jo funksional dhe çfarë është më e keqja, në dëm të banorëve të zonës.
Një premtim 20-vjeçar, që nuk i jep zgjidhje problematikës që vjen nga ky kanal, por e thellon atë.
Kjo është Bashki e fasadave dhe jo e qytetarëve!
Bashkë sjellim ndryshimin!
