Gjatë fjalës së tij, në prezantimin e kandidatit të dalë nga primaret për Kamzën, Arjan Hoxha, Flamur Noka, Sekretari i Përgjithshëm i PD, e konsideroi të sigurtë fitoren.
Foli me tone të ashpra kundër asaj që ai e quajti regjimi i egër i Ramës dhe tha se Kamza do t’i kthehet demokratëve.
“Pjesëmarrja juaj sot është treguesi më domethënës që Kamëza me të gjithë terrorin e ushtruar nga Edi Rama, ka shpresë. Kamza do të triumfojë. Ky takim tregon që po afron dita që ta nxjerrim Kamzën nga rreziku që kanoset nga regjimi më i pashpirt që ka parë Shqipëria. Ky takim është për t’i dhënë shpresë të gjithë qytetarëve, jemi në këtë takim që qyteti që Berisha dhe PD ngriti sot po lëngon, se ka një regjim që ka bërë gjithccka kundër tij, vetëm për një arsye, se ata kurrë nuk e pranuan të keqen. Shqiptarët në të gjitha takimet, janë të vendosur bashkë për të fituar dhe ta ndryshojnë këtë vend. Kamza është shumë afër Tiranës, po të rinjve të Kamzës nuk u mjaftojnë as Kamza e as Tirana, se nuk u japin shpresë dhe siguri për jetën. Banorët e Kamzës kanë një ëndërr që në këto 10 vite nuk ja ka realizuar kjo qeveri, shkaktarët që kanë sjellë dëshpërimin janë ata që vjedhin të ardhurat tuaja. Nuk ka ndodhur kurrë më parë që një qeveri që ka të gjitha pushtetet të ketë dështuar në krijimin e mirëqenies, kjo nuk është qeveri është babëzi. Nuk ka ndodhur kurrë të ketë patur një pushtet të zhytur në kaq afera. Edi Rama nuk ndalet, ai po bën gjithccka të asgjësojë opozitën e vendit. Ne jemi sot këtu, për t’i thënë harroje, mund të marrësh peng Bravën, sepse e ke peng nëpërmjet kunatit të tij, mund të marrësh peng AliBashën, sepse ke peng vëllain e tij të dënuar për krime, por kurrë peng demokratët dhe shpirtin e tyre nuk e merr. Pengmarrja jote ka marrë fund, ditët tuaja, po i vjen fundi. Situata kërkon guxim dhe banorët e Kamzës kanë treguar që e kanë. Kamza që u ndërtua me aq sakrifica, është dhimbje ta shohësh se si po shpopullohet, sepse kanë humbur besimin te shteti. Kipja u emërua kryetar bashkie dhe kurrë nuk u zgjodh, 6% i 2019 do t’i kthehet në 0%. PD nuk mund ta lëjë më Kamzën dhe të gjitha bashkitë në duart e këtyre gjakpirësve. Me gjithë përpjekjet që kanë bërë, shqiptarët kanë vetëm një alternativë që është Berisha dhe opozita e vërtetë. Ne jemi sot këtu për t’i thënë Edi Ramës, që tentove të vendosje Kamzën në bishtin e qeverisjes sate, po qytetarët e Kamzës kanë për ta vendosur Kipen në bishtin tënd. Ne kemi zgjedhur Arjan Hoxhën, që do luftojë korrupsionin dhe do kthejë dinjitetin Kamzës, do jetë ai që do zgjidhni ju më datë 14 maj. Bashkë do fitojmë me Sali Berishën në krye”, tha Noka.
