Kryetari i Partisë së Lirisë, Ilir Meta thotë se pushteti aktual nuk ka përkujdesje për pensionistët dhe se ka një zemërgjerësi për oligarkët.
Me anë të një postimi në Facebook, Meta thekson se kostoja e jetesës është bërë e papërballueshme, ndërsa thekson se kur të vijnë në pushtet do t’i japin pensionistëve mbështetjen që meritojnë.
“Ky pushtet ka zero përkujdesje për pensionistët dhe zemërgjerësi pa fund për oligarkët. Për dy mandate gjithçka është shtrenjtuar, por pensionet kanë mbetur të vogla. Kosto e jetesës është bërë e papërballueshme. Ne do t’u japim mbështetjen që pensionistët meritojnë dhe me ndryshimin e madh do të dyfishojmë pensionet sa më parë. Bashkë Fitojmë”, shkruan Meta.
