Kreu i Partisë Demokratike, Sali Berisha i ka bërë thirrje ish-zv/kryeministrit Arben Ahmetaj që të bëhet i penduari i Drejtësisë duke rrëfyer presionin dhe korrupsionin e madhe të Edi Ramës referuar aferës së inceneratorëve.
Nga foltorja e Kuvendit, Berisha pohoi se ish-ministri Lefter Koka u arrestua për t’i bërë qejfin Belinda Ballukut. Duke replikuar me ministrin e Drejtësisë, Ulsi Manja, Berisha e cilësoi atë intrigant.
“Por jam këtu sot për të informuar qytetarët lidhur me Ahmetajn, i cili është vendosur nën hetim. Theksoj se ai është përgjegjës ndër më kryesorët në aferën e tmerrshme të djegëseve. Ka firmën në transferimin e fondit të emergjencës në djegësin e Elbasanit dhe të Fierit. Ahmetaj ka qenë i lidhur me Zoton. Kryeautori i djegëseve është një; Edi Rama. Afera 700 mln apo afera e djegësit të Tiranës s’mund të realizohej me insistimin e Ahmetajt. Ai në daljen e tij të fundit u shpreh se; qeverinë nuk mund ta lëvizja unë. Kurrë një ministër nuk lëviz dot qeverinë, por e lëviz një kryeministër, ai ngarkon punonjësit e Këshillit të ministrave. Ai firmosi 17 shkresa në 24 orë. Ahmeteaj ka përgjegjësi të plotë sepse në Inspektoraiatin e tij financiar nuk mbikëqyri financimet. Kam një thirrje që Arben Ahmetaj të bëhet i penduari i drejtësisë dhe të zbërthesh para kombit tënd të gjithë veprimtarinë e organizatës kriminale.
Rama është përgjegjësi numër një. Ai është autori i firmës pasi Enti Kombëtar i Prokurimeve i tha; kjo procedurë është antiligjore. Ai i dha bosin 8 pikë në një kohë kur nuk ekzistonte inceneratori. Një ministre e parlamentit shkruante se kjo kompani nuk ekziston dhe me këtë shkresë Rama ku e njoftonte. Kompania u hap në 2018-ën. Në eko-parkun e Porto Romanos, sekserët e Ramës kishin krijuar kompani për të 6 muaj para se ta shpallte publikisht se i kishte lindur ideja për një eko-park. Thjeshtra e Edi Ramës në kompanie ishte përfituese e Eko-parkut. Thjeshtra në kompaninë IRI është fituese e tenderit bashkë me kompaninë Fendandes për rindërtimin e muzeut. Po ti mo ministër Drejtësie ça bën që firmos çdo firmë të tij? Ka pasur dhe ministra që nuk e firmosin. Ka pasur nga ata që s’kanë firmosur. Shkove dhe arrestove Lefterin për t’i bërë qefin Belindës, o intrigant. Se ajo është bërë kryeministër. Këto i di gjithë Dibra”, tha Berisha.
- SPAK shpall nën hetim Arben Ahmetajn
Ish-zv/kryeministri Arben Ahmetaj është marrë zyrtarisht nën hetim nga SPAK për 3 akuza të rënda. Burimet mediatike bëjnë me dije se Prokuroria e Posaçme Kundër Korrupsionit dhe Krimit të Organizuar ka shënuar në regjistër emrin e Arben Ahmetajt ndaj të cilit zhvillohen hetime për tre vepra pena si “Shpërdorim detyre”, “Korrupsion pasiv” dhe “Pastrim i produkteve të veprës penale”.
Mësohet se SPAK ka bashkuar dy procedime ndarjen e fraksionit për inceneratorin e Elbasanit ku po hetohet për shpërdorim detyre dhe korrupsion dhe pastrim parash pas kallëzimit qe i është bërë për vilën në Hamallaj. Në lidhje me pasuritë SPAK ka marrë në pyetje shumë persona mes të cilëve edhe ish bashkëshorten e cila ka deklaruar se ka në pronësi vetëm shtëpinë në ish bllok ndërsa vila në Palasë nuk është e saja.
- Berisha denoncon vjedhjen e energjisë
Kryetari demokrat Sali Berisha ka denoncuar nga foltorja e Kuvendit vjedhjen e energjisë dhe përgjegjës qeverinë Rama. Berisha iu drejtua Damian Gjiknurit duke i thënë se “ju edhe gjuhën e përdorni për të vjedhur”.
Berisha tha se “banda kriminale që drejton energjinë”, çdo verë zbraz digat duke shituar me 30-40 euro kilovatin e energjinë sekserëve të tyre, dhe ata më pas e rishesin në tregun rajonal dhe europian me pesëfishin e këtij çmimi, duke ndarë më pas paratë.
“Këtu kanë sjellë dhe diskutohet për një ligj për energji, ata të cilët e kanë shndërruar energjinë, kaskadën, në një mallkim për ju dhe e kanë realizuar këtë vetëm e vetëm duke vjedhur. Sjellin këtu një ligj qesharak ku zotohen se pas kaq vitesh do arrijnë një 54% të rinovueshme të energjisë…
Po ju edhe gjuhën e përdorni për të vjedhur Damian, edhe foljet i vendosni sipas xhepit. Dy vitet e fundit HEC private kanë prodhuar 58% të prodhimit të përgjithshëm. Organizata kriminale që drejton energjinë, çdo verë ka zbraz digat duke shituar me 30-40 euro energjinë sekserëve të tyre, dhe këta e rishesin në tregun rajonal dhe europian me 5-fishin dhe paratë o ndajnë me këta që shihni pas meje, me në krye Ramën. Vjedhje dhe vetëm vjedhje”, tha Berisha.
