Në interpelancën e kërkuar prej tij me ministren Ogerta Manastirliu, deputeti i Partisë Demokratike, Bujar Leskaj ka kërkuar që qeveria të përcaktojë minimumin jetik zyrtar përpara vendimit për rritjen e pagës minimale, që pritet të shkojë në 40 mijë lekë të reja në prill.
Sipas Leskaj, çdo rritje do të ishte joefikase në rast të mosqartësimit të minimumit jetik, pasi në bazë të kësaj do të jetë e mundur dhe llogaritja e pagës dhe siguracioneve minimale në vend.
“Në muajin nëntor dhjetor 2022 kur ne diskutuam projektbuxhetin e vitit2023 paraqita një amendim që kishte të bënte me obligimin dhe detyrimin e qeverisë për të përcaktuar minimumin jetik zyrtar.
Në pjesën e sigurimeve shoqërore kërkoja që brenda 6 mujorit të aviti ë 2023 qeveria të përcaktojë minimumin jetik zyrtarë në bazë të studimeve dhe akëtave të kryera nga Instituti i Statistikave duke filluar nga korriku 2023 gjatë gjithë 6 mujorit të dytë dhe për buxhetet e viteve në vijim pagesat për personat me aftësi të kufizuar të indeksohen dhe plotësohen deri në respektimin e minimumit jetik zyrtarë, por ky propozim nuk gjeti mbështetjen e duhur.
Minimumi jetik është indikatori social kryesor që përdoret për vlerësimin e jetës dhe varfërisë ku përdoret si referencë për pagat dhe siguracioneve minimale”, tha Leskaj në Kuvend.
Leskaj përmendi dhe studimet e Eurostat ku në Shqipëri rreziku për të rënë në varfëri është shumë i madh ku llogaritet ½ persona, ndërsa në BE ky raport është 1/5 persona.
Ndërkohë, sipas OKB – 32% e popullsisë së Shqipërisë vuan nga pamjaftueshmëria ushqimore ndërsa sipas Eurostat – 74 .4 % që është në moshë pune rrezikon varfërinë.
