Familja e një 29-vjeçari nga qytetit i Vlorës, ka ngritur alarmin për zhdukjen e tij pa asnjë gjurmë që prej pasdites së 2 marsit.
I riu Artjol Ramaj ka shkëputur kontaktet me familjen, teksa ndodhej në Girona të Spanjës, ndërsa telefonatën e tij të fundit me nënën e ka pasur në orën 16:35 të asaj dite.
Familja Ramaj prej asaj dite ka bërë denoncim për zhdukjen e të birit në policinë spanjolle dhe atë shqiptare, ndërsa sipas komunikimeve me avokatin e kontraktuar prej tyre dhe Prokurorin e çështjes në Girona, kanë mësuar se dyshohet që Artjoli të jetë rrëmbyer.
Ndërkohë nëna e të riut, Valentina Ramaj ka folur për mediat duke denoncon zhdukjen e të birit.
Sipas saj, djali ka shkuar në Spanjë për të punuar, por prej 2 marsit ka humbur çdo kontakt, ndërsa telefonat e fundit mes tyre është ndqërprerë në mes dhe Artjoli dukej i shqetësuar në lidhje me pronarin e shtëpisë ku jetonte, një shtetas spanjoll.
“Në Girona të Spanjës. Punë siç punojnë të gjithë. E kishte mbaruar punën. Ky i zoti i shtëpisë merrte qiranë. Ky është brenda në polici, që atë ditë. Edhe makina private “furgon”, kur vajti në mëngjes një shok, kontrolluan shtëpinë s’qe djali. Vajti një shok i djalit që u bë merak se pa as këtë spanjollin. Lajmëron policinë ai. Dhe e kapën natën këtë. Është brenda. Gjeti ca pika gjaku prokurori me shumë imtësi. Ai ka thënë se gjaku është i imi, më gjuajti djali. Kanë marrë ADN e atij burrit”, ka rrëfyer ajo për gazetarin Enrik Mehmeti.
Valentina Ramaj zbuloi se në drejtim të Gironas në Spanjë, ku qëndronte djali ka shkuar tashmë bashkëshorti i saj por edhe ai s’ka mundur të zbuloj asgjë, ndërsa ka pësuar edhe një goditje të rëndë emocionale duke përfunduar i shtruar në spital.
Me një apel drejtuar shtetit shqiptar, nëna e 29-vjeçarit kërkon që të bëhet e pamundura për të gjetur djalin e saj.
Sipas policisë dyshohet se Artjol Ramaj ka qenë punonjës në shtëpi bari teksa mund të jetë zhdukur për shkak të problemeve në lidhje me prodhimin e kanabisit në Girona. Dyshimet e policisë krahas rrëmbimit ekzistojnë edhe për vrasjen e 29-vjeçarit.
“Dyshohet rrëmbim. Vrasje nuk është. Dyshojmë te një person. E survejojnë, e shohin, e lënë të lirë, por pse nuk bëjnë punën nuk e dimë. Mbas katër ditësh që nuk patëm kontakt, na telefonon një person me telefonin e djalin. Vajza i tha ku e gjete numrin tim se është telefoni i të dashurit tim ky që më merr. Kishte katër ditë që ishte zhdukur djali. Ka katër muaj që ka ikur në Spanjë. Nga tetori deri tani. Është hera e parë që ka ikur se ishte në Itali. Këtu s’ka patur konflikte me asnjë, punonte djali e kisha shumë mirë me këto të kafesë, me mobileri. Policia spanjolle ka thënë jemi në hetim. Edhe këtë në e tha Prokurori se ata s’flasin fare, fare të keqen. Prokurorja i tha mos ki merak se vrasje nuk është, është rrëmbim”, tha nëna e 29-vjeçarit.
