Zhvillim i papritur te Bayerni i Mynihut, sipas “Bild”, klubi bavarez ka shkarkuar trajnerin Julian Nagelsmann me efekt të menjëhershëm.
Ai nuk do të jetë në krye kur skuadra të përballet me Borussian e Dortmundit pas ndeshjeve të kombëtareve.
Thomas Tuchel është favorit për ta zëvendësuar, ndërsa thuhet se ka pranuar ofertën e gjigandëve gjermanë.
Deri më tani nuk asnjë deklaratë zyrtare nga klubi gjerman apo ndonjë detaj i kontratës së mundshme me “bavarezët”, por gjithçka mbetet për t’u parë, teksa është bërë me dije se dokumentat për zyrtarizimin e Tuchel janë duke u përgatitur që sonte.
I raportuar për herë të parë nga gazetari italian, Fabrizio Romano, ky lajm ka zënë në befasi të gjithë fansat e kampionëve të Gjermanisë.
Nuk kishte indikacione që sugjeronin se Nagelsmann ishte duke u larguar.
Pyetja që shtrohet tani është pse po ndodh tani? Nëse Bayerni do të kishte humbur ndaj PSG-së, atëherë ndoshta do të kishte kuptim.
Shkarkimi i Nagelsmannit duket shumë i çuditshëm. Ndoshta diçka e rëndë ka ndodhur në prapaskenë.
https://twitter.com/FabrizioRomano/status/1639012112595922945
