Pas rasteve të mashtrimit me kriptovaluta ku janë shkaktuar dëme disa mijëra eurosh, policia e Salzburgut në Austri ka mundur të hetojë dy autorë të dyshuar.
Dy të dyshuarit, një shqiptar 31-vjeçar dhe një kosovar 43-vjeçar, mësohet se kanë kontaktuar një afgan 41-vjeçar me banim në qytetin e Salzburgut përmes mesazheve.Ata thuhet se e kanë bindur atë të bashkohet me një faqe mashtruese brokerimi dhe të investojë në kriptovaluta.
Paratë e investuara nga 41-vjeçari janë transferuar më pas nga autorët dhe më pas janë ndërprerë kontaktet me ta. Kjo ka rezultuar në dëme prej gati 10 mijë eurosh.
Në një rast tjetër, të dy thuhet se kanë kontaktuar një 41-vjeçar në qytetin e Salzburgut për më shumë se gjysmë viti me numra të ndryshëm telefoni dhe i kanë kërkuar të investojë në kriptovaluta të supozuara. Po ashtu autorëve u janë transferuar gati 10 mijë euro.
